રોયલ ચેલેન્જર્સ બેંગ્લોરની 17 વર્ષની લાંબી રાહનો અંત આવ્યો છે. છેલ્લા 17 વર્ષથી ઘણી વખત હાર અને મજાકનો સામનો કરનાર રોયલ ચેલેન્જર્સ બેંગ્લોરે આખરે પહેલીવાર ઈન્ડિયન પ્રીમિયર લીગનો ખિતાબ જીત્યો છે. રજત પાટીદારની કેપ્ટનશીપમાં બેંગ્લોરે રોમાંચક ફાઇનલમાં પંજાબ કિંગ્સને 6 રને હરાવ્યું. આ સાથે, ટીમ IPL 2025 ની ચેમ્પિયન બની. કૃણાલ પંડ્યા, યશ દયાલ અને ભુવનેશ્વર કુમારના યાદગાર સ્પેલના બળ પર, બેંગ્લોરે 190 રનના સ્કોરનો સફળતાપૂર્વક બચાવ કર્યો અને 6 રને મેચ જીતી લીધી.
