વડોદરા શહેરના વધુ એક હળવદાયક પરંતુ ચિંતા જનક બનાવ સામે આવ્યો છે. શહેરના ફતેહગંજ વિસ્તારમાં આજે સવારે એક મગર મુખ્ય માર્ગ પર લટાર મારતો જોવા મળ્યો હતો. આ અણધારી ઘટના જોઈને સ્થાનિક લોકોમાં ભય ફેલાઈ ગયો અને રસ્તા પર દોડધામ મચી ગઈ હતી.
સ્થાનિક લોકો મુજબ, વિશ્વામિત્રી નદીજે ફતેહગંજ વિસ્તારમાંથી પસાર થાય છે, ત્યાં મગરોનું મોટું વસવાટ વિસ્તાર છે. વરસાદી મોસમ દરમ્યાન ઘણી વખત નદીમાં પાણીની સપાટી વધતી હોય છે અને આવી સ્થિતિમાં મગરો નદીમાંથી બહાર આવી જતા હોય છે. આજે પણ એવી જ રીતે એક મગર કોઈ રીતથી નદીમાંથી ચડીને રોડ સુધી આવી પહોંચ્યો હતો.
મગર રસ્તા પર અફડાફફડી સાથે લટાર મારતો હતો અને થોડા સમય સુધી લોકો ચોંકી ગયા હતા. અનેક લોકોએ પોતાના મોબાઇલ ફોનમાં આ દ્રશ્યો કેદ કર્યા, જેના વીડિયો સોશ્યલ મીડિયા પર પણ વાયરલ થવા લાગ્યા છે.
સ્થાનિક લોકોએ તાત્કાલિક વનવિભાગને જાણ કરી હતી.જે બાદમાં વડોદરા વનવિભાગની ટીમ ઘટના સ્થળે પહોંચી હતી. અનુભવી કર્મચારીઓની મદદથી અને ખાસ સાધનો વડે મહાકાય મગરને પાંજરે પૂરવામાં આવ્યો.
મગરની લંબાઈ આશરે સાથે પાંચથી છ ફૂટ જેટલી હોવાનું અનુમાન છે. હાલ તેને વિશ્વામિત્રી નદી તરફ પાછો મુક્ત કરવામાં આવશે કે નહીં, તે અંગે વનવિભાગ નિર્ણય કરશે.
સ્થાનિક લોકોને પણ અપિલ કરવામાં આવી છે કે જ્યાં નદી નજીક રહેણાક વિસ્તાર છે, ત્યાં સાવચેતી રાખે ખાસ કરીને બાળકો અને વૃદ્ધો નદી નજીક ન જાય તે બાબતે સચેત રહે.
