આજે શ્રાવણ માસનો પ્રથમ શનિવાર નાગા તીર્થ એવા અંકલેશ્વર ના નૌગામા સ્થિત નાગા તીર્થ એટલે નૌગામ રોકડીયા હનુમાનજી મંદિર આવે છે. ભગવાન શિવ પરમ ભક્ત ઢુંઢુંમ્બર નાગ અહીં તપ કરતા હતા. ભગવાન શિવની આરાધના કરતા ઢુંઢુંમ્બર નાગના તપ અને રક્ષણ માટે શિવ ના રુદ્ર અવતાર ભગવાન હનુમાનજી અહીં રક્ષા માટે તેમની સાથે બિરાજમાન થયા હતા. ત્યાર થી રોકડીયા હનુમાન મંદિર તરીકે ઓળખાય છે. નાગોના વસવા ને લઇ નાગા તીર્થ નામ પડ્યું છે. નર્મદા કિનારે આવેલ નાગા તીર્થ અંગે નર્મદા પુરાણમાં પણ ઉલ્લેખ જોવા મળે છે. મંદિર ખાતે ભજન કિર્તન સહીત ધાર્મિક કાર્યક્રમો નું આયોજન કરાયું હતું તો ભક્તો ની ભીડ જામી હતી.
શ્રાવણ માસ એટલે ભગવાન શિવ ની આરાધના નો મહિનો ભગવાન રામ ના ભક્ત હનુમાનજી ભગવાન શિવ ના એક રુદ્ર સ્વરૂપ છે. તપોભૂમિ અંકલેશ્વર ખાતે અનેક ઋષિમુનિઓ તપ કરી ગયા હોવાનો પુરાણોમાં ઉલ્લેખ જોવા મળે છે. આજ રીતે અંકલેશ્વર નૌગામા સ્થિત રોકડીયા હનુમાનજી મંદિર આવેલું છે. જે અંગે નર્મદા પુરાણમાં પણ ઉલ્લેખ જોવા મળે છે. અહીં કહેવાય છે કે ભગવાન શિવ ના ભક્ત એવા ઢુંઢુંમ્બર નાગ એ સંતાન પ્રાપ્તિ માટે અહીં તપ કર્યું હતું. જે પાછળ પર એક ગાથા વણાયેલી છે. એક સમયે સૃષ્ટિ પર તમામ વિષધર ના નાશ માટે યજ્ઞ યોજાયો ત્યારે ભગવાન શિવ એ પોતાના પરમ ભક્ત એવા ઢુંઢુંમ્બર નાગ ની તપ ભંગ ના થયા અને તેની રક્ષા કરવાં માટે તેમના રુદ્ર અવતાર એવા ભગવાન હનુમાનજી ની રક્ષા માટે મોકલ્યા હતા અને મહાભારત કાળ માં પણ આ કથાનક ની પુષ્ટિ હોવાનું સ્થાનિક ગ્રામજનો જણાવી રહ્યા છે. ભગવાન હનુમાનજી અહીં ઢુંઢુંમ્બર નાગ સાથે બિરાજમાન થયા અને ત્યાર થી રોકડીયા હનુમાનજી તરીકે પ્રચલિત છે. અને નાગ ના વસવાટ અને તેમના વસવાટ ને લઇ નાગા તીર્થ તરીકે ઓળખવામાં આવે છે. જે નર્મદા કિનારે આવેલું હોવાથી તેની ગાથા નર્મદા પુરાણ માં પણ ઉલ્લેખ જોવા મળે છે. નૌગામા ગામ ના નામ સાથે પણ નાગા તીર્થ જોડાયેલું છે. ત્યારે આ મંદિરમાં હાલ ભગવાન શિવ ચંદ્રમોલેશ્વર તરીકે બિરાજમાન છે. તો અહીં જમીનમાંથી ખોદકામ દરમિયાન મળી આવેલ હનુમાનજીની પ્રતિમા તેમજ શિવલિંગ નું પણ સ્થાપન કરવામાં આવ્યું છે તો અહીં ભગવાન શનિદેવ નું પણ તાજેતર માં મંદિર બનાવવામાં આવ્યું છે. આ અંગે ગામના શાર્દુલભાઈ એ વધુ માહિતી આપતા જણાવ્યું હતું કે મંદિર લોકો માનતા પૂર્ણ કરનાર છે ખાસ કરી નિઃસંતાન લોકો સંતાન પ્રાપ્તિ અહીં બાધા કરવા થી થાય છે. તેમજ લોકોને પણ માનતા હોય તે પૂર્ણ થાય છે. આજે નાગા તીર્થ વિશે જૂજ લોકો જાણે છે. ત્યારે આ મંદિર ને રોકડીયા હનુમાન જી મંદિર તરીકે ભક્તો ઓળખે છે. અને અહીં દર્શનાર્થે આવી રહ્યા છે. મંદિર ખાતે સવાર થી જ પ્રથમ શનિવારે દર્શન કરવા ભક્તો ની ભીડ જામી હતી. તો મંદિર ટ્રસ્ટ દ્વારા વિશેષ કાર્યક્રમનું આયોજન કરવા સાથે સવાર થી જ ભજનકીર્તન નું પણ આયોજન કરવામાં આવ્યું હતું જેમાં મોટી સંખ્યા માં ભક્તો જોડાયા હતા.
