કેદારનાથથી યાત્રાળુઓ સાથે ગુપ્તકાશી પરત ફરી રહેલું હેલિકોપ્ટર ગૌરીકુંડ નજીક ધુરી ખાર્ક પાસે ક્રેશ થયું છે, જેમાં સાત લોકોના દુઃખદ મોત થયા છે. મૃતકોમાં મહારાષ્ટ્રના એક દંપતી અને તેમના 23 મહિનાના બાળકનો સમાવેશ થાય છે. જિલ્લા આપત્તિ વ્યવસ્થાપન અધિકારીએ અકસ્માતની પુષ્ટિ કરી છે. આ ઘટના આજે સવારે 5 વાગ્યાની આસપાસ બની હોવાનું કહેવાય છે. હેલિકોપ્ટર આર્યન હેલી એવિએશનનું હોવાનું કહેવાય છે.
આ હેલિકોપ્ટરમાં પાઇલટ સહિત સાત લોકો સવાર હતા. ગૌરીકુંડના ઉપરના વિસ્તારમાં ઘાસ કાપતી નેપાળી મૂળની મહિલાઓએ હેલિકોપ્ટર ક્રેશની જાણ કરી. હેલિકોપ્ટર નોડલ ઓફિસર રાહુલ ચૌબે અને જિલ્લા આપત્તિ વ્યવસ્થાપન અધિકારી નંદન સિંહ રાજવારે હેલિકોપ્ટર ક્રેશ થવાની પુષ્ટિ કરી છે.
ઉત્તરાખંડના મુખ્યમંત્રી પુષ્કર સિંહ ધામીએ આ અકસ્માત પર શોક વ્યક્ત કર્યો છે. ઉત્તરાખંડના મુખ્યમંત્રી પુષ્કર સિંહ ધામીએ ટ્વિટર પર લખ્યું, “રુદ્રપ્રયાગ જિલ્લામાં હેલિકોપ્ટર ક્રેશ થવાના ખૂબ જ દુઃખદ સમાચાર મળ્યા છે. SDRF, સ્થાનિક વહીવટીતંત્ર અને અન્ય બચાવ ટીમો રાહત અને બચાવ કામગીરીમાં રોકાયેલી છે. હું બાબા કેદારને તમામ મુસાફરોની સલામતી માટે પ્રાર્થના કરું છું.”
કહેવામાં આવ્યું હતું કે આ અકસ્માત ટેકનિકલ સમસ્યા અને હવામાનને કારણે થયો છે. 2 મેના રોજ હિમાલયના મંદિર કેદારનાથના દરવાજા ખુલ્યા પછી હેલિકોપ્ટર ક્રેશ થવાની આ પાંચમી ઘટના છે. આજની ઘટના વિશે જણાવવામાં આવ્યું છે કે 15.06.25 ના રોજ લગભગ 05:17 વાગ્યે, આર્યન કંપનીનું હેલિકોપ્ટર કેદારનાથ હેલિપેડથી ગુપ્તકાશી હેલિપેડ માટે છ શ્રદ્ધાળુઓને લઈને ઉડાન ભરી હતી. રસ્તામાં ખરાબ હવામાનને કારણે, અન્ય જગ્યાએ હાર્ડ લેન્ડિંગ બાદ ઉપરોક્ત હેલિકોપ્ટરને નુકસાન થયું હોવાનું જાણવા મળે છે.
હેલિકોપ્ટરમાં સાત લોકો સવાર હતા
માહિતી મુજબ, આ દુ:ખદ અકસ્માતમાં સાત લોકોના મોત થયા છે. મહારાષ્ટ્રથી આવેલા જયસ્વાલ દંપતી અને તેમના 23 મહિનાના બાળકનું પણ આ અકસ્માતમાં મોત થયું છે. ઉપરાંત બે સ્થાનિક લોકોના પણ મોત થયા છે.
મૃતકોના નામ
- રાજવીર-પાયલટ
- વિક્રમ રાવત BKTC નિવાસી રાસી ઉખીમઠ
- વિનોદ
- ત્રિષ્ટિ સિંહ
- રાજકુમાર
- શ્રદ્ધા
- રાશિ છોકરીની ઉંમર 10 વર્ષ
