અંકલેશ્વર એન.એચ. 48 પર હિટ એન્ડ રન:ટ્રાફિક નિયમન કરતા પોલીસકર્મીનું મોત નીપજ્યું હતું.

• અકસ્માત સર્જી વાહન ચાલક ફરાર થઇ ગયો હતો.
• પાનોલી પોલીસે ગુનો નોંધી ફરાર વાહન ચાલકને ઝડપી પાડવા સીસીટીવી ફૂટેજ મદ્દ્દ થી તપાસ શરુ કરી હતી.

અંકલેશ્વર નજીક નેશનલ હાઇવે નંબર 48 પર હિટ એન્ડ રનની ઘટનામાં એક પોલીસકર્મીનું મોત થયું છે. ટ્રાફિકનું નિયમન કરી રહેલા પોલીસકર્મીને અજાણ્યા વાહન ચાલકે ટક્કર મારી હતી, જેના કારણે તેમનું ઘટનાસ્થળે જ મૃત્યુ થયું હતું. અકસ્માત સર્જી વાહન ચાલક ફરાર થઈ ગયો હતો. આ દુર્ઘટના અંકલેશ્વરના પાનોલી નજીક બની હતી. મૃતક પોલીસકર્મીનું નામ વિવેક સિંહ ડાભી હતું, જેઓ ટ્રાફિક પોલીસ વિભાગમાં ફરજ બજાવતા હતા. ટક્કર વાગતા તેમને ગંભીર ઈજા પહોંચી હતી, જે જીવલેણ સાબિત થઈ.ઘટનાની જાણ થતાં જ પાનોલી પોલીસ તાત્કાલિક સ્થળ પર પહોંચી હતી. પોલીસે મૃતદેહને પોસ્ટમોર્ટમ માટે ખસેડ્યો હતો અને અજાણ્યા વાહન ચાલક વિરુદ્ધ ગુનો દાખલ કરીને વધુ તપાસ હાથ ધરી છે.પાનોલી પોલીસ મથકના પોલીસ ઇન્સ્પેક્ટર એસ.એમ. દેસાઈએ ટેલિફોનિક વાતચીતમાં જણાવ્યું હતું કે સીસીટીવી ફુટેજની મદદથી અજાણ્યા વાહન ચાલકની શોધખોળ કરવામાં આવી રહી છે. આ ઘટનાથી પોલીસ બેડામાં શોકનો માહોલ છવાઈ ગયો છે.